فـــــــــوكــــ الآهـــــــــــــــــــــــ

فـــــــــــــوك الآهــــــــــ

مشينه ومشت ويانه العذابات

وهجرنه اعشوشنه وضلن خرابات

ورضينه الآه بينه وكل الأحزان

يصاحب وانتهينه وصرنه شوغات

ولا بينه قصيده اتهيد الجروح

ولا بينه بعد تنفع كتابات

الحنين يموت كلبه بعمر الورود

ويضل مشتول غصنه بغير غايات

امس يومي كضيته احزان باحزان

وغده من يومي هذا يشيل حسرات

يصاحب لا تكول الشعر وهواس

انه كلبي قصيده وعمري مأساة

حملت اهموم منه اشكال والوان

وكضيت اسنين عمري وي المعاناة

كلت للريل اسرع بينه يا ريل

ومشينه وما رضت بينه المحطات

تنينه بشوك هلبت يرجع فلان

وبقينه ايطول بينه الليل ويبات

عمت عين الزمان وعين الأيام

وعمت عين الليالي شكد وكيحات

صفينه آمال بس آمال صحراء

ولك هم بالصحاري اتري شجرات

مشينه وصدكينه القيل والقال

ولكينه اهمومنه اعلى الدرب رايات

ورجعنه ورجعينه اسنينه اوراق

وعلى كل ورقه صفينه اثنين دمعات

وصفه كل يوم مني يروح مجروح

ويجيني الليل بيده اشكثر ونات

بعد شنهو النريده ومنه ما راح

رجاء لا تكول الدنيه نوبات

اعيش اسنين فوك الآه مشتول

واعيش وي الزمان ازماط عركات

كلت مره وتعدي وتكضي بالآه

اشو زادن يصاحب صفن ميات

ولا مره امتحنه وناجح فلان

ولا خذنه وسط من العلامات

رغم احنه العلم واحنه الحضارات

وكفوءه افكارنه بكل الثقافات

لجن طبع الزمان وهاي الايام

يخاوي البوم ويعادي الحمامات

اريد الورقه بيضه والسجل نور

واريدن كون اموت بغير سايات

وعلى الدنيا السلامه وماني مندوم

ونكول احنه هنيء الزاد لوفات

ونكول احنه هنيء الزاد لوفات

صالـــح بدر العتابي

يسلمووو على الموضوع الرائع