جـــــــــــــــــــــــــــــــــــــــــروح الطـــــــــــــــــــــــــــــــــين

جـــــــــــــــروح الطـــــــين

خل بالك وبهداي من تلمس الروح

ماظل كتر بجفاك ما عشب جروح

ابهيـــــــــــــده...

من اتجيس روحي ...

لا تظن وصله بعد ...

ما بيه جرحك

ابهــــــــــــيده..

يل تغزل خيالي اخيوط ...

انه الطشرت شمسين عمري...

بجرف صبحك

وشلت كل السولف ...

وانت ذاك انت..

نجيعة ماي .. حاضنها الصبخ ..

ما ينحصد شي غير ملحك ..

يانهر ..

روحي على جرفينك عشب ..

ماحسيت ؟ من العطش ..

للطيــــــــــــن تبقى اجـــــــــــــروح تضحك

يالجنت .. التف الك ريح وضوه

وانزف حنين ..

شما يريد يطير جنحك

وياآآآآآآآآآآمه افز

نسمة ربيع

واشهك بحسرات ليل ..

امكوطر ابنجمة صبح

لو راد يدفه ابكلبي رمحك

يالحرثت اسنين عمري ..

ابشوك ما سير حملها

ولا دفك فيضه ..

ابجرف نهران ميته

يا شمس ثلج سماها

وكل مراجيح الضوه

ليل وخيال وموت سكته

ابهيــــــــــــــده ..

يا مفتاح عمري .. الضاع كبل اسنين ..

واحتاريت بابه

اشلون نكته

سافرت بيه الخواطر , غفله

عجة صيف .. والوحشة جزيره

وريح غربه

يا سفر ..

تيه خطواته ..

وشرب جدم انحوف دربه

سلهمت عين الضوه ..

وما ظن ترد الروح

المعرسه ابضواها ..

الشمس ميته

يا عشك ..

ذبلت اسنينه ..

وفات وكته

يا عذابات الجفن ..

اشكد دمع للشوك ..

ما مر خوص كته

ابهيــــــــــــده ..

من اتجيس كلبي ..

لا تضن خاطر بعد ..

بي ما كسرته ..

جفلت ابكلبي السنين ..

وحته شباج الوصل ..

بجروح هجرانك , غلكته

لا ...آ ..آ ..آ

تمد جفك الروحي

من خيال ايدك ..

تطك جروح سكته

اجرووووووووح ..

كلها اجروح سكته

عبــــــــــد السادة العلي

يسلمووووووووووووو

حلو كثير شكرا

يسلموووووو عالطرح الرائع Shocked

موضوع رررررررررائع جدااااااااا Cool