[الــــــــــحزن رومانـــــــــــسي
الحزن
لا تكول الحزن , وأنا بحزني اكابر
بالحزن أصفه وي روحي
تحزن وي السعف روحي
من يضل اعله البرد والريح
صابر
والفرح مامش فرح ... خطوة مسافر
بطية إنكالها
الخطوة الحزينه بخوف تمشي
ومن خطاويها
تحاذر
هم شفت غربه تغني ودمعات كمره
بكل حرف
مو كد مشاعر
اشتهى شوغة حزن
صوغة يتيم , الحزن نكاطة احبوب
بيوت
غافيه بفيًه ونداوة
ماي بارد والعطش
فحطان صيف
والدمع خطرة سوالف
مرت بخاطر إمحب
والفرح تسيار ضيف
على كد رنة الفنجان
روحته وجيته وهفتة النار
وظل اعلى طبعه
الفرح خطاره
يكولون الفرح جنه
ياهو الحصل الجنه وجفوفه إكصار ؟
الكضه عمره بجي
شيفيده يفرح يوم؟
الكضه عمره بجي
شيفيده يفرح يوم ؟
الملح زاده دمع والصبي مواله
وترد تكله اشصار ؟
ياليل كلك حزن , بسك تبجي الورد
بسك
تعبَي أفكار
ما ظل علَيه هدم
بيه حيل ويلمني
خسران تالي أطلعت
باير بسوك الوكت محد يكلبني
ليل وعتب
يا عتب يا ليل عاتبني
بخطوط جفي شفت
خط منهن يردني
للحزن واشبع بجي
بس البجي يحبني
حطني وي همك
عطر
دك كهوتك ياليل
دافي واهيسك برد
طعم البنفسج هيل
وبالكيض طبعك ثلج
مو كد مواويل
خايف واحطك حرز
وياي
تغفه وتفز
يالخلكك إطويل
عبد الأمير حسين علاوي
الأربعاء فبراير 08, 2012 4:04 pm
.jpg "-")
